كلمة حق يشهد بها كثيرين جدا وارجو ان ينتبه لها الجميع من اجل حماية البلد من عبث بعض ابناءه

كلمة اقولها لخوفى الشديد على مستقبل مصر من عبث واهواء بعض ولادها واقسم بالله وهو قسم عظيم ان ما يتأكد منه الكثيرين غيرى ان كل حكاية حركة شباب 6 ابريل دولا انهم بيعملوا البدع عشان يستفزو المجلس العسكرى باى وسيلة ولو على حساب ارادة الشعب كله ويفضلوا يتنقلوا بين الفضائيات المشبوهة وبين الصحف اللى بيمولها رجال اعمال ليسوا فوق مستوى الشبهات وكل دا بيعملوا المسيطرين على الحركة دى لـ ( شهرة الحركة على اعلى مستوى * ومحاولة ايهام الناس انها اكبر حركة وقوة سياسية فى مصر* ومحاولة ايهام الناس انها هيه اللى قامت بالثورة مع صفحة خالد سعيد بس * ومحاولة بناء مجد للحركة على حساب مصلحة الشعب كله * وكتمهيد قوى للحركة عشان تتحكم وتختار وترفض القيادات الحكومية حسب اهواء الولاد اللى بيحركوا الحركة دى .. وحسب مصالحهم المرتبطة ببعض رجال الاعمال اللى بيتعاملوا معاهم) وذلك هو لذى يثق فيه نشطاء كثيرين جدا من العالمين بكل تحركات هذه الحركة منذ عام 2008م .. بل ومن شدة استفزاز الحركة دى للمجلس العسكرى نزل المجلس بسببهم بيان واتنين وفى كل بيان بيفرحوا اوى وبيعتبروا ان دا انتصار كبير لحركتهم وشهرة كبيرة ليهم مهما كان البيان دا مسئ ليهم ومهما كانت تصرفاتهم على حساب استقرار الشعب ومصلحة الشعب وارادة الشعب وفى الواقع كل النشطاء اللى خارج الحركة دى فاهمين كويس جدا ان الحركة اساسا لا تفعل شئ مفيد يذكر وشاطرين بس فى عمل الكثير من الاعتصامات والمظاهرات والمسيرات المضرة مهما كانت الامور تسير فى البلد وفق ارادة الشعب.. ولذلك اؤكد ان هذه الحركة لو استمرت على هذه السياسة الصبيانيه الهوائية فلن نحترمهم وانا عن نفسى ساكون اول المحذرين منهم بكل الوسائل ........ بعدما كنت اول المشجعين لهم زمااان .. اعتقد كلامى مفهوم يا احمد ماهر انتا ومحمد عادل والبنات والولاد اللى ماشيين وراكم .. اظن كفاية عشان البلد تستقر

mrimelshrif@yahoo.com
المزيد من المقالات
جمهورية التحرير الشقيقة
حكومة «المصطبة»
الطابور الخامس فى ميدان التحرير
التخلص من كراكيب يحيى الجمل